Ísraelskir háskólar gegna mikilvægu hlutverki í hernámi og þjóðarmorði í Palestínu. Akademísk sniðganga felst í því að neita að taka þátt í verkefnum og viðburðum með samsekum ísraelskum háskólum og ýmislegt fleira.

Hvers vegna akademísk sniðganga?
Í áratugi hafa ísraelskir háskólar gegnt lykilhlutverki við að skipuleggja, innleiða og réttlæta hernáms- og aðskilnaðarstefnu Ísraels, um leið og þeir viðhalda einstaklega nánu sambandi við ísraelska herinn. Ísraelskir háskólar taka beinan þátt í landráni með því að stofna útibú á hernumdu landi og þátt í að þróa vopn og aðra hernaðartækni og -kenningar sem notaðar hafa verið í nýlegum stríðsglæpum Ísraels í Líbanon og á Gaza, réttlæta áframhaldandi landnám í Palestínu, rökstyðja þjóðernishreinsanir, veita siðferðilega réttlætingu fyrir morðum utan dómstóla, mismuna kerfisbundið „nemendum sem ekki eru gyðingar“, og eru sekir um að brjóta önnur óbein og skýr brot á mannréttindum og alþjóðalögum. Einnig veita ísraelskir háskólar nemendum sem taka þátt í hernaði sérstakan fjárhagslegan og sálrænan stuðning og afslátt af námskröfum.

Háskólar eiga að vera stofnanir þar sem réttlæti, gagnrýni og mannúð er höfð að leiðarljósi. Palestínskt fræðafólk hefur kallað eftir samtöðu háskóla um heim allan til að berjast gegn hernámi og þjóðarmorði Ísraelsríkis gegn Palestínufólki. Því ber háskólafólki vinna gegn því að háskólar séu notaðir til að knýja áfram stríðsglæpi og þjóðarmorð.