Til að sporna gegn vísvitandi vanrækslu og samsekt ríkja í þjóðarmorði Ísraels gegn 2,3 milljónum Palestínumanna á Gaza, gegn ólöglegu hernámi þess þar og á Vesturbakkanum, sem og 77 ára gamalli aðskilnaðarstefnu byggðri á síonískri landránsstefnu í Palestínu, hefur fjöldinn allur af mannréttindafrömuðum, samtök og fyrirtæki víðsvegar í veröldinni stigið fram til að sporna við og mótmæla viðurkenningu Vesturlanda á þjóðarmorðinu. Það skref er stigið fram af þunga til að viðhalda virðingu gagnvart alþjóðalögum og tryggja að yfirvöld hvers ríkis sé áminnt um ábyrgð sína gagnvart alþjóðalögum.
Má hér nefna allt frá eigendum lítilla ferðaþjónustufyrirtækja sem krefjast þess að viðskiptavinir þeirra gefi skriflega yfirlýsingu um að þeir hafi ekki og muni ekki taka þátt í stríðsglæpum, til fyrirtækja sem lýsa því yfir fyrirfram „að stríðsglæpamenn séu ekki velkomnir til þeirra“ , er margvíslegum aðferðum beitt. Íslenska ríkið hefur bæði þjóðréttarlegar og lagalegar skyldur til þess að rannsaka og sækja til saka einstaklinga sem gætu hafa gerst sekir um stríðsglæpi og staddir eru á Íslandi samanber 24. tl. 1. mgr. 6. gr. almennra hegningarlaga sem segir;
“Ennfremur skal refsað eftir íslenskum hegningarlögum fyrir brot, sem þannig er háttað, er hér á eftir segir, enda þótt það sé framið utan íslenska ríkisins og án tillits til þess, hver er að því valdur: „Á grundvelli laga um refsingar fyrir hópmorð, glæpi gegn mannúð, stríðsglæpi og glæpi gegn friði. Brotið skal jafnframt teljast hópmorð, glæpur gegn mannúð, stríðsglæpur eða glæpur gegn friði samkvæmt þjóðarétti. Mál samkvæmt þessum tölulið skal einungis höfða sé sá maður sem ætlunin er að sækja til sakar staddur hér á landi.“
Það er hlutverk allra ríkja heimsins að tryggja að stríðsglæpamenn verði sóttir til saka fyrir glæpi sína.
Palestínska þjóðarnefnd BDS sniðgönguhreyfingunnar, BNC, vinnur með bandamönnum og stuðningsfólki um allan heim að þrýsta á eigin stjórnvöld um að breyta innflytjenda- og vegabréfsáritunarstefnu sinni svo hún samræmist alþjóðlegum lögum og skuldbindingum.
Öll sem eitt krefjumst við eftirfarandi aðgerða:
1. Dómsmálaráðherra ber að innleiða skimun á ísraelum á landamærum og auka skimun þeirra sem eru á herskyldualdri til að kanna hvort einstaklingar með ísraelskan eða tvöfaldan ríkisborgararétt séu hugsanlega þátttakendur í stríðsglæpum, glæpum gegn mannkyni eða þjóðarmorði gegn Palestínumönnum. Einnig að hún beiti sér á vettvangi Schengen samstarfsins að afturkalla Visa free travel fyrir Ísraela.
- Lögreglu ber skylda að tilkynna ef einstaklingar sem grunaðir eru um stríðsglæpi hafa sloppið í gegn eða hafa komist hjá skimun en finnast innan landsins að rannsaka möguleg refsiverð brot, og ef svo ber undir, sækja þá til saka að fullu samkvæmt lögum þessa lands og alþjóðlegum mannréttindalögum.
- Ríkislögreglustjóri ber að ráðast í áhættumat á því hvað koma og vera ísraelskra hermanna þýði fyrir öryggi almennra borgara á Íslandi.
- Ríkissaksóknaraber að gefa út leiðbeinandi reglur um rannsókn á mögulegum stríðsglæpum erlendra aðila sem ferðast til Íslands.
Þessar aðgerðir eru í samræmi við þær lagalegu skyldur sem við berum samkvæmt íslenskum lögum og alþjóðalögum, þar á meðal skyldu til að fremja ekki, vera ekki samsek í heldur að koma í veg fyrir þjóðarmorð, aðskilnaðarstefnu og önnur grimmdarverk með því að sækja til saka og refsa í samræmi við alvarleika þessara brota. Þessar aðgerðir fjalla um samsekt og mælum við því með eftirfarandi viðmiðum fyrir skimun:
- Taka skuli sérstaklega til rannsóknar, alla þá aðila, óháð því hvort þeir eru með ísraelskt ríkisfang eða ekki, sem hafa þjónað í ísraelska hernum frá 7. október 2023.
- Taka skuli til rannsóknar, alla þá sem liggja undir rökstuddum grun um að hafa aðstoðað, stutt eða stuðlað að stríðsglæpum, glæpum gegn mannkyni eða þjóðarmorð, hvort sem er meðan á herþjónustu stendur eða ekki.
- Taka skuli til rannsóknar, alla þá sem liggja undir grun með rökstuddum hætti um að hafa opinberlega hvatt til stríðsglæpa, glæpi gegn mannkyni eða þjóðarmorðs hvenær sem er, hvort sem á meðan herþjónustu stendur eða ekki.
Að auki telst hver sá með ísraelskan eða alþjóðlegan ríkisborgararétt sem býr eða starfar í Ísrael, og hver sá ísraeli eða alþjóðlegi borgari með landvistarleyfi sem veitir stuðning til ólöglegra ísraelskra landnámsbyggða á hernumdu palestínsku landsvæði (OPT), þar á meðal Austur-Jerúsalem, eða á hernumdu sýrlensku Gólanhæðunum, og sé vísvitandi sekur um að taka þátt í stríðsglæp, verður samkvæmt því, að sæta ábyrgð.
Með þessu ákalli krefst BDS-hreyfingin ábyrgðar íslenska ríkisins, ríkisstofnanna, félagssamtaka og allra fyrirtækja innanlands, að þau leiðrétti og gæti í hvívetna samræmis við lykil ályktanir Allsherjarþings Sameinuðu þjóðanna (UNGA), bráðabirgðaúrskurði og ráðgefandi álit Alþjóðadómstólsins, áframhaldandi rannsóknir Alþjóðaglæpadómstólsins og skýrslur og tilmæli frá sérfræðingum Sameinuðu þjóðanna í mannréttindum, sem og palestínskum og alþjóðlegum mannréttindasamtökum, og láti sig varða áframhaldandi þjóðarmorð Ísraels í Gaza og ólöglegt hernám og aðskilnaðarstefnu ísraela.
Nokkur ríki hafa skimun fyrir stríðsglæpum sem hluta af vegabréfsáritunarumsóknum og innflytjendastefnu eftir að Evrópusambandið breytti aðferð sinni við frestun ferðalaga án vegabréfsáritunar og feldi mannréttindabrot undir ástæður fyrir slíkri frestun. England hefur sem dæmi hafið rannsókn bæði á þegnum sínum sem þjónað hafa í her Ísraels og ferðamanna þaðan sem liggja undir grun um stríðsglæpi. Í Belgíu hafa skimanir vegabréfa nú þegar leitt til synjunar um komu og í öðrum tilfellum hefur verið hafin rannsókn á grunuðum ísraelskum stríðsglæpamönnum þegar viðvera þeirra hefur verið tilkynnt. Þó þessar aðgerðir forgangsraði í orði kveðnu alþjóðalögum og mannréttindum, er óljóst hvort þær verði framkvæmdar. Það er skylda okkar að forðast þá hræsni sem þessi ríki hafa sýnt við að vernda Ísrael fyrir ábyrgð. Jafn mikilvægt er að slík stefna verði ekki verkfæri til að styrkja ofbeldisfull innflytjendakerfi sem beinast nú þegar að fátækum, flóttamönnum, farandfólki og fólki af lituðum uppruna.
Undanfarið hafa slíkar stefnubreytingar beinst að hugsanlegum ísraelskum stríðsglæpamönnum. Að framkvæma skimun fyrir stríðsglæpum, glæpum gegn mannkyni og þjóðarmorðum áður en vegabréfsáritanir eru veittar grunuðum ísraelskum stríðsglæpamönnum, þjóðarmorðsmönnum og ólöglegum landnemum er fyrsta skrefið og nauðsynleg aðgerð til að draga þá til ábyrgðar. Einnig myndi það auka öryggi og velferð fólksí landinu sem finnst því ógnað með tilkomu stríðsglæpamanna á götum okkar. Það er skylda yfirvalda að vernda almenning gagnvart þeim sem grunaðir eru um slík brot. Hundruð þúsunda ísraelskra karla og kvenna hafa þjónað í hernum á meðan þetta þjóðarmorð stendur yfir og líkurnar á að þau taki þátt í grimmdarverkum eru afar miklar. Öll þau verða að vera rannsökuð og, ef réttlætanlegt er, sótt til saka samkvæmt öllum lögum. Án slíkra raunhæfra aðgerða og með áframhaldandi sýndu refsileysi gagnvart Ísrael munu brot þeirra halda áfram á okkar ábyrgð er engin fæling gegn því að fremja slík brot í skjóli refsileysis.